சேவற்றிரு துவசம்


டாக்டர் ராஜாராம்
தலைக்கருகே சேவலும், அவன் பாதத்தின் அருகே மயிலும் உறைந்தன.  இதன் பொருள் என்ன? ஞானம் என்பது தலையில் ஒளிர்வது.  அதுவே சேவல்.   பக்தி என்பது அவன் சரணகமலத்தில் இருப்பது.  அதுவே மயில்.   வைரம் போன்ற வேல் வைராக்கியத்தை குறிப்பது.   அது நமது கல்மனத்துள் பாய்ந்து ஒரு குகையை உண்டாக்கியபின் குகன் அங்கு வந்து உறைவான். 

Advertisements

ஆண்டாள்: வைரமுத்து ஆய்வின் பத்து பிழைகள்


நாக. இளங்கோவன்
“ஏதிலார் குற்றம்போல் தங்குற்றம் காண்கிற்பின் தீதுண்டோ மன்னுமுயிர்க்கு” என்பது அரசனுக்கு புகட்டிய வள்ளுவமாயினும் இம்மரபு அறிவுலகத்திற்கு அதிகம் பொருந்தும். எந்த ஓர் ஆராய்ச்சிக்கட்டுரையும் புனைவு (fiction), வருணனை (commentary), மிகையான புகழ்ச்சி ஆகியவற்றை கொண்டிராது. ஆய்வுக்கட்டுரைக்கென்று இலக்கணம் உண்டு. வைரமுத்தின் கட்டுரையில் வருணனையும், புனைவும் கவிதை இலக்கியத்தில் இருப்பதுபோன்றே மிகுந்துகிடக்கின்றன. ஆதலால் அது ஆராய்ச்சிக்கட்டுரையே அல்ல.

இலக்கிய இன்பம் – 3


மீனாட்சி பாலகணேஷ்
முக்கண்ணனுக்குள்ளது அரைக்கண்ணே!
தனது உடலில் சரிபாதியை உமைக்குக் கொடுத்தவன் அவன்; ஆகவே, அவனுக்குண்டான மூன்று கண்களில் பாதியான ஒன்றரைக்கண் உமையவளுடையதாகும். மற்றுமுள்ள அவனுடைய பங்கான ஒன்றரைக்கண்ணில் ஒருகண் வேடன் கண்ணப்பனால் கொடுக்கப்பட்டதாகும். ஆகவே அவனுடையதென மீதமுள்ளது அரைக்கண்தானே?”

சுப்பிரமணிய புஜங்கம்


மீனாட்சி பாலகணேஷ்
புஜங்கக் கவிதையுள் அமைந்துள்ள சொற்கோவைகள் ஒரு பாம்பானது வளைந்து வளைந்து ஊர்ந்துசெல்வதுபோல இருப்பதனால் இத்தகைய கவிதை அமைப்புக்கு புஜங்கம் என்று பெயர் அமைந்தது. சுப்பிரமணியக்கடவுளின் பெருமை, உயர்வு, முடிவற்ற தன்மை ஆகியவற்றை இரு விதங்களில் ஆதிசங்கரர் விளக்குகிறார்.

இலக்கிய இன்பம்-1


1. குதிரைக்காரன் மகன்
மீனாட்சி பாலகணேஷ்
வேளூர்க்காரனான சிவனுக்கே வாதம் வந்த காலாம்; அவருடைய மைத்துனருக்கு நீரிழிவாம்! அவருடைய பிள்ளையாகிய விநாயகனுக்கோ விகாரமான பெருவயிறாம்; இப்படியெல்லாம் தமக்கும் குடும்பத்தாருக்கும் வந்தநோய்களைத் தீர்க்கவே வகைஅறியாதவரான இந்தப்பெருமான், வேறு யாருடைய நோயை எவ்விதம் தீர்க்கப் போகிறார்?

அன்றைய தீபாவளி!


அண்ணாமலை சுகுமாரன்
புதுத்துணி வாங்கி, தையல் கடைகளில் அளவு கொடுத்து விட்டு தீபாவளி முதலிரவு வரை காத்திருந்து வாங்கிவருவது என எத்தனை சந்தோஷ அனுபவங்கள் அப்போது இருந்தது சிறுவர்களுக்கு நினைவெல்லாம் தீபாவளி எதிர்பார்ப்பிலேயே இருக்கும். தினமும் கடைகளுக்குச் சென்று கொஞ்சம் கொஞ்சமாகப் பட்டாசுகள் வாங்கி நண்பர்களுடன் சேர்ந்து வெடிப்பது, பின்பு அதைப்பற்றியே பேசி நினைவில் மகிழ்வது எனப் பல சந்தோஷங்கள் அப்போதைய தீபாவளிக்கு உண்டு.

சித்தர் பாடல்களின் சீரிய உவமைகள்


அண்ணாமலை சுகுமாரன்
நிலத்தில் இருக்கும் சாதாரண சுவையற்ற நீரை உறிஞ்சித் தன்னிடம் உள்ளத்தன்மையிலால் அதில் சுவையும் சக்தியும் உருவாக்கி இளநீராக மாற்றிக்கொள்கிறது தென்னை. அதற்கு அந்த மரத்தின் தன்மையும், இயற்கையும், சுழலும் காரணமாக அமைகின்றது. அப்படியே, நமது உடலின் தன்மையும், இயற்கையும், பிரபஞ்ச சுழலும் சரிவர அமையும்போது இயற்கையாக இறைவன் நம் உள்ளத்தில் இடம்பெற்றிருக்கிறார் என்பதை உணரமுடியும். இப்படி உணர்ந்தபின், இறை அனுபவத்திலேயே இருக்க முடிவதால் தன்னால் அதிகம் பேச இயலாமல், தான் மௌனமாகிவிட்டதாகச் சித்தர் கூறுகிறார்.

திருமறைக்காடு – ஊரும் பெயரும் – இலக்கிய ஆய்வு


பொன். சரவணன்
கோவிலைச் சுற்றி இருந்த காட்டுமரங்கள் கடல்நீரைத் தடுத்தது மட்டுமின்றி கடல்அலைகளின் ஆரவாரத்தினை உள்வாங்கிப் பெருக்கி ‘ஓம்’ என்பதைப் போல ஒரு ஒலியினை எப்போதும் ஒலித்துக் கொண்டிருந்தன. இது சில இயற்கைச் சூழ்நிலைகளில் நடக்கக்கூடிய ஒன்றேயாகும். மக்கள் இந்த மரங்களுக்கிடையில் செல்லும்போது ‘ஓம்’ என்பதைப் போல ஒரு ஒலி கேட்டுக்கொண்டிருந்தபடியால், இந்த மரங்கள் வேதம் ஓதுவாகக் கருதி ‘ மறையினை ஓதும் காடு ‘ என்ற பொருளில் அவ் ஊருக்கு ‘மறைக்காடு’ என்ற பெயர் சூட்டினர். அதுவே பின்னாளில் வேதங்களே மரங்களாக மாறிநின்று இறைவனைப் போற்றுகின்றன என்பதாகப் புரிந்துகொள்ளப்பட்டு விட்டது.

அறுபடைவீடு பாதயாத்திரை – 10


முனைவர் நா.கி. காளைராஜன்
இங்குள்ள மிகவும் பழைமையான சிற்பங்களில் குடை, சாமரம், அம்மணம், சம்மணம் முத்திரைகளைக் காணமுடிந்தது.  இந்த முத்திரைகள் எல்லாம் இந்துக்களின் வழிபாட்டுமுறைகள் என்பதையும், இந்த வழிபாட்டுக் குறியீடுகளுக்குத் தாங்களே காப்புரிமை பெற்றதுபோல் எடுத்துக் கூறி, இந்துக்களை மதமாற்றம் செய்துள்ளனர் என்பதையும் உணர்ந்து கொள்ள முடிந்தது.
மூலவருக்கு நடந்த பஞ்சாமிர்த அபிடேகத்தில் எல்லோரும் பங்குபெற்று சுவாமி தரிசனம் செய்தோம்.  அபிடேகத்தின்போது கூட்டம் அதிகமாக இருந்த காரணத்தினால்  ஏழு ஏழு பேர் கொண்ட குழுவாக அர்த்தமண்டபத்தில் அமர்ந்து தணிகை வேலவனை ஆனந்த தரிசனம் செய்து கொண்டோம்.  சுவாமிக்கு சாற்றியிருந்த பட்டை எடுத்து குருசாமி பச்சைக்காவடி அவர்களுக்குப் போர்த்தி மாலை அணிவித்துச் சிறப்புச் செய்தனர்.

திருக்கேதீஸ்வரம் கோவிலும், மாந்தோட்டம் துறைமுகமும்


ஆங்கிலம்: ஸர் கந்தையா வைத்தியநாதன்[1] — தமிழாக்கம்: ஒரு அரிசோனன்
எகிப்து, மெசபடோமியா, பாலஸ்தீனம், கிரேக்க, ரோமானிய நாடுகளிலிருந்து அரபிக்கடல் வழியாக கடல்வழி வணிகம் அக்காலத்தில் நடந்துவந்தது. அந்நாட்டார் தென்மேற்குப் பருவமழைக்குப் பயந்தனர்.  அதன் சீற்றத்திலிருந்து மாந்தோட்டத் துறைமுகம் புகலிடமளித்தது. அதற்குக் காரணம் தெற்கிலுள்ள மன்னார் தீவும், ராமர் அணையும்தான்.  அக்காலத்தில் மன்னார் தீவுக்கும், இலங்கை நிலத்திற்கும் இடையுள்ள நீர்ப்பரப்பு இருபருவமழைகளால் ஏற்படும் கடல் நீரோட்டத்தால் மணல்தட்டாமல், கப்பல் போக்குவரத்திற்கு ஏற்றதாக இருந்தது.
இராமேஸ்வரம் கோவிலுக்கு நிகரான சிறப்புடன் திருக்கேதீஸ்வரம் கோவில் விளங்கியது.  செல்வச்செழிப்புள்ள இந்துக்கோவில்களைச் சூறையாடிக் கொள்ளையடிப்பதைக் குறிக்கோளாகக்கொண்ட போர்ச்சுகீசியருக்கு இந்துமாக்கடலின் அக்கரையிலுள்ள கன்னியாகுமரி, திருச்செந்தூரைவிட, திருக்கேதீஸ்வரம் எளிதான இரையாகவே அமைந்ததால், அவர்கள் அதில் வெற்றிபெற்றனர்

அறுபடைவீடு பாதயாத்திரை – 9


முனைவர் நா.கி. காளைராஜன்
இங்கு பழைமையான நந்தி இருப்பதைக் கண்டு, சுயம்புலிங்கம் எங்கே என்று கேட்டேன்.  கோயில் மிகவும் சிதிலமடைந்து கிடந்த போது, சுயம்புலிங்கத்திற்குக் கூரைக் கொட்டகை போட்டு இருந்தனராம். ஒருநாள் ஏற்பட்ட தீ விபத்தில் சிவலிங்கமும் எரிந்து போனது என்றார் கோயில் பூசாரி.  கோயிலில் வைத்தியம் தொடர்பான யந்திரங்களைக் கருங்கற்களில் எழுதிப் பதித்து வைத்துள்ளனர்.

அறுபடைவீடு பாதயாத்திரை – 8


முனைவர் நா.கி. காளைராஜன்
துர்வாச முனிவர் திருவலஞ்சுழியில் யாகம் செய்யும் பொழுது முப்பத்து முக்கோடி தேவர்கள், நாற்பத்து எண்ணாயிரம் மகரிஷிகள் முதலானோர் யாகத்தில் கலந்து கொள்ளும் பொருட்டு இந்த ஆலயத்தில் தங்கி அவரவர்கள் தம் ஆன்மார்த்த பூசைக்காக சிவலிங்கங்களை நிறுவி வழிபட்டுள்ளனர் என்று தலபுராணம் கூறுகிறது.  இந்த ஆலயத்தில் காணப்படும் ஏராளமான சிவலிங்கங்கள்  இத்தலபுராணத்தை வலுப்படுத்துவதுபோன்று அமைந்துள்ளன.