அன்றைய தீபாவளி!


அண்ணாமலை சுகுமாரன்
புதுத்துணி வாங்கி, தையல் கடைகளில் அளவு கொடுத்து விட்டு தீபாவளி முதலிரவு வரை காத்திருந்து வாங்கிவருவது என எத்தனை சந்தோஷ அனுபவங்கள் அப்போது இருந்தது சிறுவர்களுக்கு நினைவெல்லாம் தீபாவளி எதிர்பார்ப்பிலேயே இருக்கும். தினமும் கடைகளுக்குச் சென்று கொஞ்சம் கொஞ்சமாகப் பட்டாசுகள் வாங்கி நண்பர்களுடன் சேர்ந்து வெடிப்பது, பின்பு அதைப்பற்றியே பேசி நினைவில் மகிழ்வது எனப் பல சந்தோஷங்கள் அப்போதைய தீபாவளிக்கு உண்டு.

Advertisements

நியூசிலாந்து பயணநினைவுகள் — 1


முனைவர் கோ.ந.முத்துக்குமாரசுவாமி —
தம் நாட்டில் நிலவிய துன்பமயமான உள்நாட்டுக் கலவரங்களிலிருந்து தப்பிக்க விரும்பிய அவர்கள், நகாயுவே கூறிய நெடுந்தொலைவிலுள்ள,- மக்கள் வாழாத அத்தீவுகளுக்குச் சென்று குடியேற முடிவு செய்தனர். அங்கு இயற்கையில் கிடைக்கும் உணவுகள், மதிப்புயர்ந்த பச்சைக் கற்கள், பிறசெல்வங்கள் முதலியன பற்றி நகாயுவேயிடமிருந்து அறிந்த செய்திகள் அவர்கள் எண்ணத்திற்கு ஊக்கமூட்டி விரையச் செய்தன.

கையாலாகாதவனாகிப்போனேன் — 6


ஒரு அரிசோனன்
” நீங்கள் ஜப்பானியராகத்தான் இருக்கவேண்டும்!” என்று ஜேம்ஸ் பான்ட் பாணியில் ஏதோ ஒரு இரகசியத்தைக் கண்டுபிடித்ததுபோலச் சொன்னேன்.

பழையபடியும் இல்லை என்பதுபோலத் தலை ஆடியது.  ஆனால் அவர் முகத்தில் இருந்த புன்னகை மறைந்தது.  “நான் ஒரு கொரியன்.” என்று பதில் சொன்னார்.
திடுமென்று ஒருநாள் முன்னறிவிப்பின்றி எங்கள் வீட்டிற்கு வந்தவர், “நான் படிப்பை விட்டுவிடப் போகிறேன்!” என்று சொன்னபோது எங்களுக்குத் தூக்கிவாரிப்போட்டது.  காரணம்சொல்ல மறுத்துவிட்டார்.  சிலமணி நேரம் எங்களுடன் பேசிவிட்டு, எங்கள் வீட்டில் மதிய உணவு அருந்திவிட்டு, எங்களிடம் விடைபெற்றுக்கொண்டு சென்றுவிட்டார்.

ஆண்டுவிழா!


கல்பட்டு ந்டராஜன்
நம்ம தலைவரு இருக்காறே அவரு தலைக்குள்ளற என்ன இருக்குதுன்னே எனக்குப் புரிலே.  ஏன்னா இது வரெயிலும் யாருமே செய்ய முயற்சிக்காத ஒரு காரியெத்தெ செஞ்சு முடிச்சிருக்காரு.  தெய்வத் திருமறையாம் திருக்குறளுக்கு விளக்கம் குறள் வடிவிலேயே எழுதி முடிச்சிருக்காரு.  சீக்கிரத்துலெ அது புத்தகமா வெளி வரணும்னு இறைவனெ வேண்டிக்கறேன்.  அது மட்டுமில்லெ.  அவரு அப்பொப்போ நவீன கதணிம், வெண்பா இலக்கணம்னு என்னென்னவோ சொல்லித் தராறு.  நமக்குதான் ஒண்ணும் புரிய மாட்டேங்குது.  அது வேறெ விசயம்.

அந்தியூர்ப் பகுதியில் தொல்லியல் தடயங்கள்


துரை சுந்தரம்
உரிமைகள் மறுக்கப்பட்ட ஒரு சமுதாயத்தினர்தாம் கண்மாளர்கள். கம்மாளர், பஞ்சகம்மாளர் என்று தற்போது அழைக்கப்படும் இச்சமுதாயத்தினர்க்குக் காலுக்குச் செருப்பு அணிந்துகொள்ளும் உரிமையில்லை. தம்முடைய வீடுகளுக்குக் காரை (சாந்து) பூசிக்கொள்ள உரிமையில்லை. தம் வீடுகளில் நடைபெறும் நன்மை தீமை நிகழ்வுகளின்போது சங்கு ஊதவும், பேரிகை கொட்டுவித்துக் கொள்ளவும் உரிமையில்லை. இந்த உரிமைகளை வழங்கி அரசன் நேரடியாக வாய்மொழி ஆணை பிறப்பிக்கிறான்.

தமிழன்னையின் அணிகலன்கள்


மீனாட்சி பாலகணேஷ்
சிறுமிகள் நாங்கள் பாடிமுடித்ததும் வாகீச கலாநிதி திரு. கி. வா. ஜ. அவர்கள், “குழந்தைகள் மிக அழகாகப் பாடினார்கள்,” என ஆசிகூறிப் பாராட்டிய பின்னரே விழாவினைத் துவக்குவார்கள். நாங்களும் பரவசத்தில் பூரித்து மகிழ்ந்த நாட்கள் அவை.
சிலப்பதிகாரத்தைப் படிப்பவர்கள் அடையும் மகிழ்ச்சி, பெருமிதம், ஆகியன இன்பமயமானவை. ஆகவே அத்தகைய பெருமை பொருந்திய சிலம்பினை அணிந்துள்ள தமிழ்த்தாயின் திருவடிகள் இன்பம் மிகுந்த அழகான மலர்களால் அர்ச்சிக்கப்படுவனவாம்.

அறுபடைவீடு பாதயாத்திரை – 10


முனைவர் நா.கி. காளைராஜன்
இங்குள்ள மிகவும் பழைமையான சிற்பங்களில் குடை, சாமரம், அம்மணம், சம்மணம் முத்திரைகளைக் காணமுடிந்தது.  இந்த முத்திரைகள் எல்லாம் இந்துக்களின் வழிபாட்டுமுறைகள் என்பதையும், இந்த வழிபாட்டுக் குறியீடுகளுக்குத் தாங்களே காப்புரிமை பெற்றதுபோல் எடுத்துக் கூறி, இந்துக்களை மதமாற்றம் செய்துள்ளனர் என்பதையும் உணர்ந்து கொள்ள முடிந்தது.
மூலவருக்கு நடந்த பஞ்சாமிர்த அபிடேகத்தில் எல்லோரும் பங்குபெற்று சுவாமி தரிசனம் செய்தோம்.  அபிடேகத்தின்போது கூட்டம் அதிகமாக இருந்த காரணத்தினால்  ஏழு ஏழு பேர் கொண்ட குழுவாக அர்த்தமண்டபத்தில் அமர்ந்து தணிகை வேலவனை ஆனந்த தரிசனம் செய்து கொண்டோம்.  சுவாமிக்கு சாற்றியிருந்த பட்டை எடுத்து குருசாமி பச்சைக்காவடி அவர்களுக்குப் போர்த்தி மாலை அணிவித்துச் சிறப்புச் செய்தனர்.

வாழ்க்கை எனும் ஓடம்… – 2


மீனாட்சி பாலகணேஷ்
2. பிச்சை புகினும் கற்கை நன்றே!
வறுமைப்பட்ட குடும்பம். ‘வதவத’வென்று நான்கு தம்பி தங்கைகள். அவள் தகப்பனார் ஒரு சாப்பாட்டு விடுதியில் சமையல்காரர். அம்மா அங்கிங்கு வீடுகளில் சிரார்த்த சமையல், முறுக்கு சுற்றுவது, வடகம் போடுவது என்று அப்பப்போது வேலைசெய்வாள். பெரிய வரும்படி கிடையாது என்பது வெட்டவெளிச்சம். இரண்டுவேளை குடும்பம் ஒழுங்காகச் சாப்பிட்டாலே பெரிய விஷயம். இதில் பள்ளிக்கூடமா, படிப்பா, நோட்டா, புத்தகமா?

திருக்கேதீஸ்வரம் கோவிலும், மாந்தோட்டம் துறைமுகமும்


ஆங்கிலம்: ஸர் கந்தையா வைத்தியநாதன்[1] — தமிழாக்கம்: ஒரு அரிசோனன்
எகிப்து, மெசபடோமியா, பாலஸ்தீனம், கிரேக்க, ரோமானிய நாடுகளிலிருந்து அரபிக்கடல் வழியாக கடல்வழி வணிகம் அக்காலத்தில் நடந்துவந்தது. அந்நாட்டார் தென்மேற்குப் பருவமழைக்குப் பயந்தனர்.  அதன் சீற்றத்திலிருந்து மாந்தோட்டத் துறைமுகம் புகலிடமளித்தது. அதற்குக் காரணம் தெற்கிலுள்ள மன்னார் தீவும், ராமர் அணையும்தான்.  அக்காலத்தில் மன்னார் தீவுக்கும், இலங்கை நிலத்திற்கும் இடையுள்ள நீர்ப்பரப்பு இருபருவமழைகளால் ஏற்படும் கடல் நீரோட்டத்தால் மணல்தட்டாமல், கப்பல் போக்குவரத்திற்கு ஏற்றதாக இருந்தது.
இராமேஸ்வரம் கோவிலுக்கு நிகரான சிறப்புடன் திருக்கேதீஸ்வரம் கோவில் விளங்கியது.  செல்வச்செழிப்புள்ள இந்துக்கோவில்களைச் சூறையாடிக் கொள்ளையடிப்பதைக் குறிக்கோளாகக்கொண்ட போர்ச்சுகீசியருக்கு இந்துமாக்கடலின் அக்கரையிலுள்ள கன்னியாகுமரி, திருச்செந்தூரைவிட, திருக்கேதீஸ்வரம் எளிதான இரையாகவே அமைந்ததால், அவர்கள் அதில் வெற்றிபெற்றனர்

அறுபடைவீடு பாதயாத்திரை – 9


முனைவர் நா.கி. காளைராஜன்
இங்கு பழைமையான நந்தி இருப்பதைக் கண்டு, சுயம்புலிங்கம் எங்கே என்று கேட்டேன்.  கோயில் மிகவும் சிதிலமடைந்து கிடந்த போது, சுயம்புலிங்கத்திற்குக் கூரைக் கொட்டகை போட்டு இருந்தனராம். ஒருநாள் ஏற்பட்ட தீ விபத்தில் சிவலிங்கமும் எரிந்து போனது என்றார் கோயில் பூசாரி.  கோயிலில் வைத்தியம் தொடர்பான யந்திரங்களைக் கருங்கற்களில் எழுதிப் பதித்து வைத்துள்ளனர்.

அறுபடைவீடு பாதயாத்திரை – 8


முனைவர் நா.கி. காளைராஜன்
துர்வாச முனிவர் திருவலஞ்சுழியில் யாகம் செய்யும் பொழுது முப்பத்து முக்கோடி தேவர்கள், நாற்பத்து எண்ணாயிரம் மகரிஷிகள் முதலானோர் யாகத்தில் கலந்து கொள்ளும் பொருட்டு இந்த ஆலயத்தில் தங்கி அவரவர்கள் தம் ஆன்மார்த்த பூசைக்காக சிவலிங்கங்களை நிறுவி வழிபட்டுள்ளனர் என்று தலபுராணம் கூறுகிறது.  இந்த ஆலயத்தில் காணப்படும் ஏராளமான சிவலிங்கங்கள்  இத்தலபுராணத்தை வலுப்படுத்துவதுபோன்று அமைந்துள்ளன.

இதென்ன நாடகம்?


எஸ். ஜயலட்சுமி
தமிழ்ல சொல்லும்போது, தமிழ் உன் தாய்மொழிங்கறதாலும், பேசியும் கேட்டும் பழக்கம் இருக்கறதாலும் நாம என்ன சொல்லறோம்னு கொஞ்சமாவது புரியறது. நீயே பாரு, அபிராமி அந்தாதில என் நெஞ்சத்து அழுக்கையெல்லாம் நின் அருட்புனலால் துடைத்தனைனு சொல்லும்போது தேவி வந்து நம்ம மனசில இருக்கற அழுக்கையெல்லாம் தேச்சுத்தேச்சுக் கழுவி, அலம்பி, நம்ம எல்லாரையும் பளிச்னு ஆக்கிவிட்டமாதிரி தோணும். ஆனா, இதுவே ஸ்ம்ஸ்க்ருதத்தில இருந்தா அந்த உணர்ச்சி சட்டுனு வராது.
” மணிவாசகர் சொல்லச்சொல்ல சிவபெருமானே தன் கையால திருவாசகம் எழுதினார்னு சொன்னா. அதுலேந்து எனக்கு திருவாசகம் படிக்கணும்னு ஒரே ஆசை. “