சேவற்றிரு துவசம்


டாக்டர் ராஜாராம்
தலைக்கருகே சேவலும், அவன் பாதத்தின் அருகே மயிலும் உறைந்தன.  இதன் பொருள் என்ன? ஞானம் என்பது தலையில் ஒளிர்வது.  அதுவே சேவல்.   பக்தி என்பது அவன் சரணகமலத்தில் இருப்பது.  அதுவே மயில்.   வைரம் போன்ற வேல் வைராக்கியத்தை குறிப்பது.   அது நமது கல்மனத்துள் பாய்ந்து ஒரு குகையை உண்டாக்கியபின் குகன் அங்கு வந்து உறைவான். 

Advertisements

தனுஷ்கோடி – அரிச்சல் முனை


சிங்கநெஞ்சன் சம்பந்தம்
1964 டிசம்பரில் பெரும் புயல் ஒன்று தனுஷ்கோடியைப் புரட்டிப்போட்டது.  இந்த ஊர் உருக்குலைந்து அழிந்துபோனது. சென்ற ஆண்டு அப்துல் கலாம் அய்யா அவர்களின் நினைவகத்தைத் திறக்க வந்த பிரதமர் மோதி  இந்தச் சாலையையும் திறந்தவைத்திருக்கிறார்

கபிலரின் குறிஞ்சிப்பாட்டில் 99 பூக்கள் – 22


முனைவர் இரா. இராமகிருட்டினன்
சோழர் ஆர் என்ற அத்திப்பூவையும், பாண்டியர் வேப்பம்பூவையும் சேரர் போந்தை என்ற பனம்பூவையும் சின்னங்களாகப் பெற்றிருந்தனர். கோவூர்கிழார் சோழ மன்னனைப் பார்த்து நின்னைப் பகைத்தவன் சேரனும் அல்லன், பாண்டியனும் அல்லன், வேறு ஒரு சோழனே என்று எடுத்துரைக்க அவரவர் பூச்சின்னங்களைப் பயன்படுத்தினார்.

கபிலரின் குறிஞ்சிப் பாட்டில் 99 பூக்கள் – 21


முனைவர் இரா. இராமகிருட்டினன்
இலவின் பூக்கள் விடியற்காலையில் காணப்படும் சில விண்மீன்கள் போலக் காணப்படுகின்றனவாம். இதன் இதழ்கள் பெரிதாக இருக்கும். கோங்கின் நுண்தாது இதன்மீது படும்போது, பவளச் செம்பில் பொன்துகள் சொரிந்ததைப் போன்று காட்சியளிக்கும் என்று அகநானூறு (17 மற்றும் 25 : 9-11) அழகுறப் பாடுகின்றது.

நியூசிலாந்து பயண நினைவுகள் – 7


முனைவர் கோ.ந. முத்துக்குமாரசாமி
இனம் புரியாத அவளுடைய மனக்கலக்கம் விலகத் தொடங்கியது. புதுமையாக இருந்த எல்லாம் அவளுக்குச் சாதாரணம் ஆகிவிட்டன. அவர்கள் எல்லாம், உண்மையில், ‘நட்சத்திர மனிதர்கள்’ அல்லர். அவர்கள் அனைவரும் இந்தியத் தமிழர்கள். அவர்கள் நெற்றியில் இருந்தது, நட்சத்திரம் அல்ல; அது, கோவிலில், சாமி கும்பிடச் சென்றபோது அர்ச்சகர் ஆசியுடன் பூசிவிட்ட சந்தனமும் குங்குமமும். அவளுக்குப் புதுமை எல்லாம் இப்பொழுது பழகிப் போய்விட்டதால், அவளும் பழகிப்போன புதியள் ஆகிவிட்டாள்.   

கபிலரின் குறிஞ்சிப் பாட்டில் 99 பூக்கள் – 20


முனைவர் இரா. இராமகிருட்டினன்
காஞ்சியை ஆற்றுப் பூவரசு என்றும் கூறுவர். தண்ணீர் நிறைந்த பொய்கை, ஆறு, மடு இவைகளின் கரைகளில் இது வளர்ந்து நிற்கும். தாதும், தேனும் நிறைந்திருப்பதால் வண்டுகள் எப்போதும்  இம்மலரைச்சுற்றி ஆர்த்துக்கொண்டே இருக்கும். அத்துடன்,இதன் தாதினைக் குயில்களும் அளைந்துகொண்டிருக்கும்.

நியூசிலாந்து பயணநினைவுகள் — 6


முனைவர் கோ.ந. முத்துக்குமாரசாமி
விடியற்காலை நிலம் அதிர்ந்தது. ‘தவேரா’ மலையின் வயிற்றிலிருந்து நெருப்புக் கோளங்கள் சீறிப்பொங்கி வெடித்துச் சிதறின. சிலமணி நேரத்தில் கிராமம் முழுவதுமே புதையுண்டு காணமல் மறைந்து ஒழிந்தது. ‘தவேரா ஏரி’ சுவறித் திடர்ப்படு மேடாயிற்று. மலைச்சாரலிலிருந்த காடுகள் எரிந்து அழிந்துபோயின. நீலநிறத்தில் இருந்த ‘நீல ஏரி’ (Blue Lake’)   பயத்தால் வெளிறிப்போய்விட்டது போலச் சாம்பல் கலந்து வெண்ணிற ஏரி ஆகிவிட்டது.

ஆண்டாள்: வைரமுத்து ஆய்வின் பத்து பிழைகள்


நாக. இளங்கோவன்
“ஏதிலார் குற்றம்போல் தங்குற்றம் காண்கிற்பின் தீதுண்டோ மன்னுமுயிர்க்கு” என்பது அரசனுக்கு புகட்டிய வள்ளுவமாயினும் இம்மரபு அறிவுலகத்திற்கு அதிகம் பொருந்தும். எந்த ஓர் ஆராய்ச்சிக்கட்டுரையும் புனைவு (fiction), வருணனை (commentary), மிகையான புகழ்ச்சி ஆகியவற்றை கொண்டிராது. ஆய்வுக்கட்டுரைக்கென்று இலக்கணம் உண்டு. வைரமுத்தின் கட்டுரையில் வருணனையும், புனைவும் கவிதை இலக்கியத்தில் இருப்பதுபோன்றே மிகுந்துகிடக்கின்றன. ஆதலால் அது ஆராய்ச்சிக்கட்டுரையே அல்ல.

நியூசிலாந்து பயணநினைவுகள் — 5


முனைவர் கோ.ந.முத்துக்குமாரசுவாமி
பழங்காலத்தில் மராயிக்கு அடிக்கல் நாட்டுவது நரபலியோடுகூடிய சடங்காக இருந்தது. கிராமத்தில் செல்வாக்குள்ள குடும்பத்து இளைஞன் ஒருவன் — அவன் மவுரித்தலைவனுடைய மகனாகக்கூட இருக்கலாம் — பலியிடப்படுவான். புரோகிதன் அவனுடைய இருதயத்தை எடுத்து நெருப்பில் சுட்டு, தின்பான். அதன்பின், முறைப்படி பலசடங்குகளைச் செய்வான். பலியிடப்பட்ட இளைஞனின் பெருமை, புகழ், செல்வாக்கு என்பன்வற்றிற்கேற்ப மராயின் புனிதமும் அமையும் என நம்பப்பட்டது.

கபிலரின் குறிஞ்சிப்பாட்டில் 99 பூக்கள் – 19


முனைவர் இரா. இராமகிருட்டிணன்
முருகப் பெருமானுக்கு ஆறு தலைகள் என்பதால், ஆறு இதழ்கள் மட்டுமே உள்ள காந்தள் மலருக்குக் கார்த்திகை மலர் என்னும் பெயரும் உண்டு.
தாழம்பூவை மகளிர் தலையில் சூடிக்கொள்வர். கூந்தலில் சடை பின்னும்போது சேர்த்துப் பின்னிக்கொண்டும் மணம் கமழச் செய்வர்.
தாழம்பூவின் மருத்துவ குணங்களைச் சித்த மருத்துவர்கள் பட்டியலிட்டுள்ளனர்.

இலக்கிய இன்பம் – 3


மீனாட்சி பாலகணேஷ்
முக்கண்ணனுக்குள்ளது அரைக்கண்ணே!
தனது உடலில் சரிபாதியை உமைக்குக் கொடுத்தவன் அவன்; ஆகவே, அவனுக்குண்டான மூன்று கண்களில் பாதியான ஒன்றரைக்கண் உமையவளுடையதாகும். மற்றுமுள்ள அவனுடைய பங்கான ஒன்றரைக்கண்ணில் ஒருகண் வேடன் கண்ணப்பனால் கொடுக்கப்பட்டதாகும். ஆகவே அவனுடையதென மீதமுள்ளது அரைக்கண்தானே?”

நியூசிலாந்து பயணநினைவுகள் — 4


முனைவர் கோ.ந். முத்துக்குமாரசாமி
ரொற்றுவாவை நெருங்க நெருங்க கந்தக மணம் மூக்கைத் தொளைத்தது. ரொற்றுவாவுக்குக் ‘கந்தகநகர்’ (Sulphar City) என்றொரு பட்டப் பெயரும் உண்டு. 
மவுரியின் கிராமம் அல்லது குடியிருப்பு ‘பா’ (Pa) எனப்படும். ‘பா’ பெரும்பாலும் குன்றின் உச்சியில் இருக்கும். அங்கிருந்து அடிவாரத்தில் உள்ளோர் நடமாட்டத்தைக் காணும்படியாக இருக்கும். ‘பா’வைச் சுற்றிலும் வேலி போடப்பட்டு இருக்கும். அதைச்சுற்றி அகழி வெட்டப்பட்டிருக்கும். பகைவர் நடமாட்டத்தை அறிய உயர்ந்த பரணும் மறைவாக அமைக்கப்பட்டிருக்கும்.